وأكيد هناك هواي أسباب لرسوب البنات:
((1))
تقعد تسوي ضايجة وتعبانة وياااارربي ما اقدر اقره مادري شبيه حاسة بكآبة يمه ...
الظاهر احد قاري عليه لو ضربني بعين ... تقعد امها وتقول اسم الله عليج ... تعالي اقرا عليج بنيتي ... هذا كله حتى من ترسب يقولون عين ههههههههههههاي
((2))
هاي تترك الكتاب على صفحة وتقوم تقيس فساتين السهرة اللي عندها لانه وره الامتحانات عدهه عرس فلانة بنت فلان ولازم تحدد شتلبس من هسه ...... لا والبعض ليلة الامتحان رايحة يم الخياطة تسوي بروفه !!!
((3))
وهاي تنزل عليهه صلة الرحم فجأة وتقوم تخابر وحدة من صديقاتهه القديمات ومن زمان ما مسولفة وياهه وتسألهه اخبارج, امورج ... خطيه ظل بالهه
((4))
وهاي تنزل عليهه الشطارة على غفلة وتسوي العشاء لأهلها وتغسل المواعين وتقول للخادمة روحي نامي انتي ... آني اكمل
((5))
وهاي مبتلية بالموبايل مسويته شات دك مسجات ومكالمات ومسكول وما تصحى على نفسهه الا قبل الفجر بساعتين
((6))
وهذي ايام الامتحانات تنزل عليهه حالات غريبة كل شوية مشتهية أكلة معينة وتلقى الوالد رايح جاي رايح جاي ... خطيه دتقره .... وامهه تقول شتريدين بعد اكلة تساعدج حتى تنفتح نفسج للقراية . وها النوع ما تنتهي الامتحانات الا وهي زايدة من 4-5 كيلوات
الجمعة أغسطس 28, 2009 3:16 pm