لا تطلع حبيبي هواي بالصيف
لأن من الشمس خافنك اتموع
تفر بالسنه مره الشمس عالناس
وعليك اتدور كل ايام الاسبوع
الك بستان عمري اشكال الوان
تگطع ما يعجبك كلشي مشروع
واجيت استغربت ما گاطع اي شي
ومن رديت اثاري النفس مگطوع
تموتني بجمالك لمن اتفوت
وتضل روحي تون وتصيح وتلوع
واگولن اشتريك ابيش ما جان
والگه بلا سعر لك اني مبيوع
بيدك تذب بيه النار وتزيد
وتشب بيه المواگد بين الضلوع
واجيت بأيدي احرگك واخذ الثار
وثاري بأيدي عالگ عشر الشموع
كلامي تسمعه كل الناس وتخاف
وما اذكر سمعت بيوم موضوع
بس انت عكس .. حجيي تخلي
وعله حجيك اگلك صار مسموع
العسل صافن عليك وصچّم اشفاف
انه بأذني سمعته بصوت موجوع
گال لشفتّك اخرب عالوياج
دحني اعله العسل موكاتله الجوع
الشي من ينمنع ترغب اله الناس
يعني اصل المنع بالرغبه مطبوع
بس انه رغبتك وانت مسموح
عجب رايد عليه تصير ممنوع
الك عندي گلب ما عاشگ انسان
ولا نزّل ابد عد غيرك دموع
اخذه اخذه وبي ضمان ايام وسنين
اذا گبلك عشگ يا الغالي مرجوع
تحياتي لكم
....وســـــام ..... الرااااقي
الأربعاء أغسطس 26, 2009 8:01 am
